كيف تتعاملين مع خطيبك اول لقاء

كيف تتعاملين مع خطيبك اول لقاء

كيف تتعاملين مع خطيبك اول لقاء 11574

هذه
نصائح لكل فتاة سوف يلتقي بها شاب بعلم الاهل طبعا في بيتها , لكي يتعرف
عليها ومعرفة اتجاه الريح , هل هو النصيب المرتقب ام ان العكس هو الصحيح
...
.
*كوني هادئة ومرتاحة وخذي حماما دافئا بالزيوت العطرية لتهدئة أعصابك قبل الموعد.

* لا ترتبكي ولا تتشاءمي وتتوقعي الأسوأ بل على العكس كوني متفاءلة وتخيلي أن كل شيء سيكون على ما يرام.

* توكلي على الله وفوضي أمرك إليه، وادعيه أن يوفقك لما فيه خيرك.

*
لا تبالغي في الزينة وكوني طبيعية، حتى ملابسك اختاريها معقولة وبسيطة بلا
سطوع فالمطلوب أن تعطي إنطباعاً بشكلك على الطبيعة، ووضع المكياج وتغطية
العيوب يعتبر من الغبن والغش في هذه الحالة فانتبهي.

*
لا تتسرعي وتخبري أحداً عن موضوع الخطبة والرؤية حتى تتم الموافقة تماماً،
ففي حال لم يكن هناك نصيب من الأفضل ألا يكون أحد قد عرف بذلك حفظاً
لكرامة الشاب والفتاة.

*
عند الدخول لا ترتبكي وتخافي بل كوني واثقة متماسكة وفي نفس الوقت محافظة
على حيائك، واحرصي على النظر إليه فهذا حقك الشرعي وأنت لا تفعلين شيئاً
خاطئاً.

* لا ترتدي الكعب العالي فقد يؤدي بك للسقوط أو عدم التوازن .

*
يفضل ألا تحملي في يدك صينية عصير أو غيرها لأنها قد تسقط منك كما حصل مع
الكثيرات، ادخلي بهدوء وألقي السلام . وأجلسي في مكان مناسب يسمح لك
برؤيته.

* لا تضحكي .. وتعتقدي انك تجلسين مع اخوك او ابن عمك او قريبك , فهذا يبقى غريب عنك حتى لحظة الموافقة والارتباط اذا كان نصيب.

وفي النهاية
اتمنى لكن حياة سعيدة .. وهادئة وكلها نجاحات
منقولللل للفائدة

الي كل انثي مخطوبه او في طريقها للخطوبه
الي كل بنت لاتعرف كيف تتعامل مع خطيبها
هناك بعض الاساسيات التي يجب اخذها في الاعتبار حتي لاتقعين في فخ الملل من الخطوبه وفشل العلاقه التي تحلم بها كل بنت

الأساس الأول

القبول

ده أول أساس لازم تقوم عليه العلاقة بين أي اتنين مخطوبين.. هو إنه يكون فيه قبول بينك وبينه.. والقبول ده بيكون من حيث الشكل والدم، ولا يوجد ما ينفّرك منه أو ينفره منك..

الأساس الثاني

خليكِ رقيقة

لازم كل بنت تكون رقيقة في تصرفاتها مع خطيبها، ومش قصدي هنا الرقة المصطنعة.. لأ طبعاً.. قصدي إنك تتعاملي معاه على طبيعتك وبأسلوبك الحلو اللي يخليه يحس إنك أحلى إنسانة في الدنيا، وطبعا من غير تكلف أو كدب.

الأساس الثالث

افتحي مجالات للكلام

خليكِ ذكية وافتحي مع خطيبك مجالات للكلام؛ حتى لو الكلام البسيط زي مثلاً إنك تقولي له على الحاجات اللي بتحبيها، وتسأليه هو كمان بيحبّ إيه.. ومش عيب إنك تتكلمي معاه عن حياتك أيام الدراسة.. عن إيه اللي حققتيه في حياتك قبل ما ترتبطي بيه.. وإيه اللي نفسك تحققيه بعد كده.. إيه الحاجات اللي بتفرَّحك.. وإيه الحاجات اللي بتضايقك.

وخليه هو كمان يتكلم عن نفس الموضوعات دي، واسمعي كلامه كويس، وركزي فيه.. وعلى فكرة الموضوعات دي بالرغم من إنها بسيطة إلا إنها هتفتح مجالات تانية للكلام.. وهتخلي كل طرف يتعرف على وجهة نظر الطرف التاني في الحياة.

وكمان هيعرف إيه الحاجات اللي بيحبها الطرف التاني ويعملها.. وإيه اللي بيكرهها وبتضايقه علشان يتجنبها.

الأساس الرابع

احترمي رأيه

احترمي رأي خطيبك في أي حاجة يقولها، واوعي تسخري من كلامه حتى لو إنت شايفة إن كلامه كده سطحي ومش عاجبك.. اسمعيه للآخر وشوفي وجهة نظره إيه، وحاولي بأسلوب هادي إنك تقنعيه بوجهة نظرك.

الأساس الخامس

احترمي صراحته

لو خطيبك صرّح لك بحاجة محدش يعرفها غيرك، زي مثلا إنه اتكلم معاكي عن إمكانياته المادية احترمي صراحته دي.. واقفي جنبه.

الأساس السادس

محدش كامل

خليكِ دايماً حاطة قدامك القاعدة دي وهي: "إن مفيش حد كامل، وإن الكمال لله وحده".. يعني صعب جداً إنك تلاقي خطيبك مفيهوش عيوب.. أكيد لازم يكون فيه عيوب.. بس إنت خليكي ذكية.. وشوفي يا ترى العيوب دي مقبولة ولا لأ.. لو كانت مقبولة وهتقدري تستحمليها يبقى مفيش مشكلة..

الأساس السابع

حاولي تغيريه

والأساس ده مرتبط بالأساس الرابع، يعني شوفي إيه العيوب اللي في خطيبك وحاولي إنك تغيريها للأحسن بس طبعا بأسلوب حلو ومن غير ما يحس.

زي مثلا.. لو كان لِبسُه مش شيك يبقى حاولي بالراحة إنك تغيري العيب ده بإنك تنتهزي أي مناسبة وتجيبي له مثلاً قميص شيك وتقولي له: إن الموديل ده بيخلّيه أحسن من الموديلات التانية اللي بيلبسها.. ويا ريت يحاول إنه يغير للموديلات الجديدة دي...

الأساس الثامن

بلاش حد يدخل بينكم

شوفي يا قمر.. علشان العلاقة بين أي اتنين تنجح يبقى محدش يدخل بينكم خصوصا الأصدقاء.. وأي خلاف بينكم حاولوا إنكم تحلوه بينكم وبين بعض.

واوعي تقارني بين خطيبك وخطيب واحدة صاحبتك أو خطيب أختك.. خليكِ عارفة إن كل واحد بيختلف عن التاني، وكل واحد وليه ظروفه.

الأساس التاسع

قرّبي من أسرته

يا ريت تحترمي أسرته، وتحاولي إنك تقريي منهم، وتكوني صديقة ليهم، وتنتهزي أي مناسبة وتزوريهم، ومفيش مانع من إنك تاخدي معاكِ هدية شيك؛ لأن دي هتخلي مامته تحبك، وده اللي احنا عايزينه.

الأساس العاشر

بلاش نتكلم في الماضي

بلاش تتكلمي عن حياتك العاطفية في الماضي قبل ما ترتبطي بيه، ولا تسأليه هو كمان عن حياته العاطفية قبل ما يرتبط بيكِ، وكل واحد ينسى اللي فات في حياته، ويبدأ صفحة جديدة.. دي حاجة.. ولو عايزين تتكلموا في اللي فات يبقى الكلام يتفتح مرة واحدة بس، ويكون من غير تفاصيل كتير.

كيف تتعاملين مع خطيبك اول لقاء Attachment

كيف تتعاملين مع خطيبك اول لقاء Attachment

دي كانت شوية حاجات بسيطة
يا ريت تمشي عليها..