سبب غيابي عنكم

موضوع: سبب غيابي عنكم السبت أغسطس 13, 2011 1:54 am

السلام عليكم ورحمة الله وبركاته.
وحشتوني كثييييييييييييييييير يا غليين مع انكم ما بتسألوش علينا .ان ظهرنا ولا اختفينا .يظهر انو الاخوة كلام وبس.
ما علينا .انا اليوم حابب احكيلكم قصة غيابي عنكم فاتحملوني.
أولا انا من عام وأكتر جاني ولد جديد سميتو على بركة الله خالد تيمنا باسم سيف الله المسلول.
وعشت الفرحة وكرمني ربنا ومشي الحال معي .رغم انو طلع اسمراني زي ابوه مش مثل ناجي الي طلع ابيض زي امو.صار عندنا ولدها وولدي .
وعقبال كل واحد منكم يارب.وفتح علي ربنا واشتريت سيارة آخر عمر تعلمت بيها السواقة وبعتها واشتريت سيارة جديدة وكنت طاير بالفرحة وانا والعيلة طبعا كان هدفي انو اخلي الوالد والوالدة يتخلصوا من تعب السفر بالطاكسي الأجرة وكمان عشان أقدر افسحهم لوين ما يحبوا.
بس في يوم فقت بكير عشان اروح بلدة جنبنا يجي 120 كلم عشان احصل فلوسي لانو صايرة ازمة سيولة بمحافظتنا وبعض المحافظات المجاورة طبعا ده بيطلب مني اني افيق بكير وصار ورحت انا ورفقاتي وحصلنا رواتبنا ورجعنا وكانت عندي رحلة تانية لبلدة حماي يجي 100 كلم فاتغديت ورغم احساسي بالتعب من الشغل والسفر لكن كان لازم اسافر عشان عم مراتي عندو عرس لابنو وشدد على حضري والزوجة كمان عاوزة تطلع معاهم بسيارتنا الجديدة تجيب معاهم العروسة وتتباهى بسيارتها قدام أهلها فأنا لما وصلت نص الطريق قلت لأمي ومراتي يا جماعة أنا نعست وصايرة عني تتثاقل فالوالدة اقترحت علي اني انزل بالطريق واشرب قهوة أو شاي كمنبه يعني بس أنا تكاسلت وقلتلهم رح اغسل وجهي ورح أفيق تمام وامشيت مسافة معتبرة وانزلت غسلت وجهي وفتحت زجاج السيارة وفعلا حسيت اني فقت وكانت زوجتي بتحثني اني اسرع في السير عشان نوصل قبل الموكب ما يروح علينا.
فرفضت أنا عشان في الأصل أنا ما بحبش أمشي في مواكب الأعراس لأنها بدعة وبتنهي في أغلب المرات بحوادث على الطريق.لكن لما شفت دموعها على عنيها صممت أني أكمل رغن أنو النعاس رجع لي تاني وامشيت وكنا بنحكي مع بعض وعملت من غير ما اشعر تجاوز خطير كدت أعمل فيه حادث لولا ربنا ستر وقلتلهم : شفتوا انتو خليتوني أعمل شي لأتل ضدو تماما وهو التجاوز في منعرج وخففت السرعة والتزمت أقصى اليمين وسكتوا همة فقلتلهم لازم تحكو معي عشان أفضل صاحي لانو النوم معناه الموت.فقالتلي مراتي احكي مع أولاد انا تعبانة فصرت أنادي ابني الصغير : خالد.خالد وهو يرد علي : بابا .بابا وبعدين سكتوا كلهم شوي وبعدها قام ابني الصغير يضحك ضحك غريب جدا فحسبت ان أمو بدغدغو فقلتلها كفاية انت هيك قتلت الولد وانو كتر الضحك نهايتو مش كويسة .فردت علي وقالتلي أن مو هي يلي بتضحكو وانو الريح يلي بيطرطش الينلون بتاع كرسي السيارة هو يلي بيخليه بيضحك فرحت قافل زجاج السيارة من عندي رغم اني عارف انو السيارة رح تسخن من جوة ورح أنام .وامشيت وسكت الجميع.وكنت حاطط شريط قرآن بيدور ورحت باصص على عداد السيارة فلقيت انو مو فاضلي كتير لحتى أوصل يجي 10 كلم ومريت على مقبرة فسلمت وقريت الدعاء وبس كملتو غفت عيني وفتحتها على صراخ مراتي لانها كانت وراي فمعرفت شو صار ويلي شفتو انو السيارة طلعت شوية من الطريق فحاولت ارجعها بس من صراخ زوجتي ما عرفت شو أعمل غير أني أكبس على الفرامل وأدور السيارة الناحية اليمنى وما لقيتها الا وهي بطير وتنقلب 3 مرات وتتوقف بمكان على جنب الطريق وصدقوني أنا تمسكت بس بالمقود وصرت احسب عدد دورات السيارة ولما توقفت فتحت حزام الأمن بتاعي ولقيت الوالدة حية فرحت فتحت كمان حزامها ونزلتها وبصيت داخل السيارة ما لقيت لا زوجتي ولا الأولاد فرحت ادور لقيت أبني الصغير خالد حاطط اديه على الأرض وعلى ركبتيه وكانو بحاول يحبو وقربو أمو سايحة في دمها ولا نفس ولا حركة فخلاص عقلي راح حملت خالد واعطيتو للوالدة وصرت انادي زوجتي وابكي بشدة واقول : قتلت أهلي ، قتلت ولادي وبعدين شفت ابتي ناجي مرمي على الأرض وجبهتو مفتوحة وعليها الدم وهو لا نفس ولا حركة فصعقت تماما حملت وحطيتو قرب امو ووصلت سيارة عمال الكهرباءوسيارة أخرى نقل فرفعونا وأخدونا على المستشفى وانا لما كنت راكب معاهم كنت منهار وكنت بقول للرجالة الي ركبين معايا : أرجوكم قولولي إنو أنا باحلم وإني رح أفيق من هالكابوس وهمة بيقولولي : يا راجل وحد الله واستغفر مولاك.
وصلت على مستشفى القرية ورحت اجري ولما دخلت سمعت صوت طفل بيبكي اتمنيت انو يكون ناجي بس تذكرت انو مستشفى وأنو من الطبيعي اسمع صراخ أطفال بس قلبي أخدني على الصوت لقيت الطبيب ماسك ابني ناجي وعم بيخيطلو الجرح الي في راسو وهو بيصرخ فقالي لا تخاف هو مجروح وبس فقلتلو خليه يصرخ أنا عاوزو يصرخ عشان أتأكد انو حي وبعدها رحت أدور على زوجتي فما لقيتها سألت قالوا لسة ما وصلت فقلتلو كيف ما وصلتش وأبنها وصل وصرت أتحايل على الممرضين أنهم يخلوني أشوفها وأني عارف إنها ميتة وانو أنا راجل مؤمن بس همة بيحلفولي أن ما وصلت وبعد شوية سمت أنين بعيد رحت أدور عليه ولقيتها مراتي بتئن بصوت خافت بس حية فصرت احمد الله وأبوسها وبعدين رحت أتفقد امي وصرت مثل المجنون اروح هنا وهناك ادور على أفراد أسرتي لكن بعدها حولوا مراتي وابني على مستشفى المحافظة عشان يعملولهم أشعة وتحاليل ورحنا كلنا بس الضغط خف علي شوية.
وصار كتير مواقف مؤلمة لكن الحمد لله ستر ولطف وما صار عندي لا معاق ولا ميت وكلنا طلعنا بسلام والف حمد وشكر .
وهلة صار الحادث كلو مثل الكابوس وانا بحمد الله في الشهر الفضيل صايم مع كل عيلتي بألف صحة وحمد وكلو فضل من الله .
ومن قصتي هاي حابب اعطيكم عبرمنها :
* لا تسق وأنت تعب ومرهق.
* لا تنسى التشهد عند الحادث فقد نسيته أنا.
* لا تفعل ما يغضب الله فالموت في لمح البصر.
وأحمد الله وأشكره واكثر من ذكره حتى يلطف الله بك مثلما لطف بي.

الاخ الغالي ابو ناجي

انت كمان وحشنا اكتر والله

والف الحمد لله على سلامتك

والحمد لله الذي لطف بك وبعائلتك الكريمة

مودتي واكثر

ما خفيا كان أعظم

الف الف الحمدلله عالسلامه

لطف ربي .. ربي رحيم لطيف واجركم حاصل بأذن الله

مره ثانيه الحمدلله علي سلامتكم جميعا

بدنا حلوان السلامه

مشكور عالنصائح ومعك حق

الف الف حمداله بي السلام يا غالي الحمد لله انك بخير

عوده ميمونه بالصحه والابداع@@