هدیه لشهدا العراق

الغربه ماتنراد بس والله مجبور
شایف عدل یختار یسکن بلگبور

ياصياد السمج صدلي بنيه

واريدنه نقيه وميه بالميه

وماريدا سمج من نهر دجله تجيب

نهر دجله انترس شبان عراقية

وكل جثة بنيه وشاب ياصياد

اذا موملك صالح يعني حوريه

وياصياد انصحك انته والوياك

نصيحه بكل اذان تحطه ترجيه

لازم بالبلم مايمشي كل صياد

لان يسحك الروس برجل مرديه

وتدري انته الجثث مفصوله عن الروس

وخاف يروح راس الغير راعيه

يصياد السمج تذكر كبل بالصيد

من تصيد وانته تغني باغنيه

بعد اذن النهر ماتطرب عله الصوت

هسه عله النهر كوم اقره الفاتحه

يصياد السمج هذا السمج مغشوش

شارب دم هلي وماشارب اميّه

يصياد التصيده ينكس النه الروس

ولو مرات صيدك اهون شويه

بس بالك بنات اهواي جوّه الماي

بلايه اهدوم ذبوه الارهابية

وياصياد احذرك من تريد تصيد

خاف تصيد سمجه وتطلع بنيه

ويصياد الجثث صيد النه جثت شاب

عمره 18 واحلامه ورديــــــــــــــــه

طالبته المدارس والمدير يكول

النتايج طلعت ومقبول كليه

ويصياد وطلب من عندك يطلبون

واذا انته شريف بساع نفذه الهم

بدل ماتذب سليه وتريد تصيد

كوم اكسب ثواب وجفن ذب الهم

يصياد الجثث طوفت فوك الماي

ياصياد امانه عليك ركبهم

واكتب عالبلم مأجوره يابغداد

وابد والله ولدج ننسه عملتهم

بعد ماتنسمع منصوره يابغداد

بس مدهوره نسمع من مصايبهم

يصياد الفتن من جوه راس الماي

وصيّه النهر دجله تكله صالحهم

بغداد الكرخ واهل الرصافه اخوان

بس الذنب ذنبه اشلون يفصلهم

اسير

احجز جوارك مقعدا

هو الأول

وقد يكون الأخير

فالقلب يشكو

والعقل في السماء يطير

والدمع ينزف

والروح ما لها الا رب قدير

اتراك تسمح لي برفقتك

لعلي من همسك استنير

فما عدت اعرف

الأول من الاخير

اسير

الصراحه كلمات مؤثره جداً

ولا يمكن لبشر ان يقرأ هذه الكلمات ولا تدمع عينه

كلمات مؤثره وجميله جدا ...

تسلم ايدك

دمت بود

الغالية عصماء

والمبدع ساري الليل

ويبقى للأبداع معاني أخرى ووقفات

عظمى تجملت وازدانت بحضوركم الكريم وبنثركم العذب لاعجابكم

الذي زاد حروفي اشراق

كلي إمتنان وشكر ووفاء وعرفان

لوقفتكم الجميلة واعجابكم بها

أنا بأنتظاركم دائما فكونو بالجوار ولا تحرموني عطر مروركم

دمتم في حفظ الرحمن