منتديات ,,, اسلامية,,, ثقافية ,,,ادبية,,, تاريخية,,,واجتماعية ,,,عامة
 
الرئيسيةالبوابةمكتبة الصورس .و .جالتسجيلدخول

شاطر | 
 

 اهداء الى الشعب العراقي جميعآ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسير الهم
مشرف الساحه الأدبيه
مشرف الساحه الأدبيه


ذكر عدد الرسائل : 644
العمر : 28
العمل/الترفيه : طالب
اعلام الدول :
مزاجي :
المهنة :
الهواية :
تاريخ التسجيل : 05/09/2009

مُساهمةموضوع: اهداء الى الشعب العراقي جميعآ   الأربعاء مارس 03, 2010 2:46 am



مل مني القلم ومن القلم مليت
عمت عينه قلمنه الما نفع شِعره

تعب حته الشِعر ويه العراقيين
وصار بحال اهلنه وبالعراق ادره

رسمت حروف العراق برسم فنان
وجمعت اربيل والانبار والبصره

وگلت لازم حروفي توحد الخوّان
ما معقوله هيچ تصير فد مره


ورديت ولگيت دموع عالوجنات
حروف الي رسمتهه اليوم متطشره


كردستان تحچي بزودهه وتگول
احنه العاصمه وبغــداد متأخره


والانبار شالت سيف عالخوان
لو ليه الحكم لوفلّش الاسره


والبصره تگول احنه نريد اقليم
ومن نفط العراق الكُم فقط عُشره


وشفت للفتنه والله العراقيين
دون حروف جر يا ناس منجرّه


مذبوحه المحبه وناس تكره ناس
سويه الي يحب والقابض الجمره


حته الورد ما يرضه بعد بالماي
من دمنه تريد الورده والشجره


رقم جبنه قياسي بالقتل والموت
وصرنه اول شعب نص اهله متهجره


نهر دجله يـا ناس من الجثث غرگان
خلي نمد ادينه لدجـــــــــله وانجرّه


على جثثنه ادور هالفضـــــــــــائيات
ياهو الي يصــــور ياخذ الاجــــــره


معصوبه العـــــيون مچتفه الايدين
وانواع الرصاص يچوب بـــــصدره


لا اهله اجوي وچــــــــفّنوا بچـــفان
مجــــهوله الـــهويه ومن درة بأمره


اذا امّه الــــحنونه الصايمه برمضان
ما اكــــلت اكلهه وبقت تـــــــنتضره


تنــــــتضره يرد وتريد تحــجي وياه
اثاري العيـــــــــد لازم ينگطع مهره


لان باعت ذهبهه بشارع الصياغ
حته تزوج ابنهه الما فرح عمره

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينهه العبره

وما شافت ابنهه وجاهه ملك الموت
تعرف شنهي يعني تموت بالحسره ؟؟

معناها الفرح صاير مثل رجال
شايل ورده بيده وخنجر بضهره

معناها عراقك كاتل ومكتول
سوده گلوبهم وعقول مفتره

وكل هذا ويگلي احنه العراقيين
سنه وشيعه عشنه الحلوه والمره !!

لا والله چذب احنه العراقيين
سنه وشيعه مثل الضره عالضره

ملينه الچذب وليمته وليا دوب
واقع حال لازم نخضع لامره

ملينه الچذب وليمته وليا دوب
قصايدنه اجت للناس متأخره

نعم خوان احنـــــــــــــــــــــه
نعم خوّان احنه وياك آني بهاي
بس مو من بعد تفجير سامرّه

بعد تفجير سامرّه العراقيين
مثل فلم الرعب ودمايته الحمره

مو فتنه صحيح الصايره ابّغداد
سونامي الفتن بغداد منتشره

قتل مو عالهويه هواي متوهمين
صارت عالاسم گص راسه ويشمره

واليگلي تبالغ انته حيل بهاي
جبت حجه ودليل وياي هالمرّه

اتحده بكر واتحده ابو الخطاب
افن واحد البيهُم يوصل الثوره

واتحده على واتحده هم حسين
اذا فلوجه طبهه ومنكسر ضهره

صـــــــــفر كل النتايج للعراقيين
بس بالفتنه جابوا عشره من عشره

هذا يگول سني ناصبي اغتالوه
وهذا يگول شيعي رافضي نكفره

ضلّوا بهالسوالف يا خزي ويا عار
واسرائيل علگت نارهه الــــــكبره

يول وين الــــــــشرف گدامكم بغداد
شــــــگّوا ثوبهه واخذوهه متأسره

غتصبوهه الكُفر ... ما تسمعوهه تصيح
آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال
لان كـــلشي انتهه وانكــــسرت الجرّه


مرحوم الـــــــعراق استشهد من سنين
يا وسفه صفـــت أشلائه مـــــتنثره

متنـــثره بمزابل يمـــهه كوم چلاب
اكلت من لــــــحومه وما درت سرّه

صــــير وياي بس هالمره اترجاك
عيب من الــــــــــــعراق اليوم نتبرّه

صعبه بمزبله جثة الــــــــعراق تصير
خلي نشــــــــــيله منهه وندفنه بگبره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عمر الدوسري
عضو فعال
عضو فعال


ذكر عدد الرسائل : 356
العمر : 31
العمل/الترفيه : استاذ لغة عربيه
اعلام الدول :
مزاجي :
المهنة :
الهواية :
تاريخ التسجيل : 25/11/2009

مُساهمةموضوع: رد: اهداء الى الشعب العراقي جميعآ   الأربعاء مارس 03, 2010 6:43 am


أسير الهم



مشكور على القصيده الرائعه


خالص احترامي لك


دمت بود وخير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خيال الحقيقه
تالق وتميز
تالق وتميز


انثى عدد الرسائل : 119
العمل/الترفيه : مدرسة
اعلام الدول :
مزاجي :
المهنة :
الهواية :
تاريخ التسجيل : 31/05/2009

مُساهمةموضوع: رد: اهداء الى الشعب العراقي جميعآ   الأربعاء مارس 03, 2010 11:39 am


لايسعني هنا
الا أن ازف التحيه أمام شعب الثقافه ..
شعب الاحرار
والاقلام الصامته



لوحه بلون الامل

تفرج يا عراق

مبدع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العصماء
المدير العام
المدير العام


انثى عدد الرسائل : 7463
اعلام الدول :
مزاجي :
الهواية :
تاريخ التسجيل : 10/09/2008

مُساهمةموضوع: رد: اهداء الى الشعب العراقي جميعآ   الأربعاء مارس 03, 2010 12:31 pm



اسير

قصيده رائعة

سلمت يدك على طرحك مثل هذه القصيدة الوطنيه

التي تنبع من القلب والروح

ومهما كتبنا للعراق فانه لايجازي ذرة تراب من ارضها

اعاد الله للعراق حريتها الكامله

واتمنى ان تعود الحضارة اليها كما كانت قلت اتمنى

ليت التمنى ينفع....ااااااه ثقافات قرون ضاعت في ساعاات

فعلا العراااق جريح فمتى يطيب هذا الجرح

تقبل اطرائي ومروي المتواضع

_________________











عدل سابقا من قبل العصماء في الأربعاء مارس 03, 2010 12:39 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نديم الليالي
عضو الماسي
عضو الماسي


ذكر عدد الرسائل : 1002
العمل/الترفيه : محامي
اعلام الدول :
مزاجي :
المهنة :
الهواية :
تاريخ التسجيل : 14/08/2009

مُساهمةموضوع: رد: اهداء الى الشعب العراقي جميعآ   الأربعاء مارس 03, 2010 12:35 pm

اسير

قصيده رائعه

كلمات تداعب
الوجدان

وننتطر جديدك

دمت متألق

ولك التوفيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسير الهم
مشرف الساحه الأدبيه
مشرف الساحه الأدبيه


ذكر عدد الرسائل : 644
العمر : 28
العمل/الترفيه : طالب
اعلام الدول :
مزاجي :
المهنة :
الهواية :
تاريخ التسجيل : 05/09/2009

مُساهمةموضوع: رد: اهداء الى الشعب العراقي جميعآ   الخميس مارس 04, 2010 1:45 am


أخي الكريم

عمر الدوسري

أشكر لك مرور شخصك الكريم بين زوايا حروفي و كلماتي
لردك الجميل بحبر قلمك عبير الياسمين نثر في أرجاء المكان
حضورك من هنا ترك أجمل الأثر على صفحتي المتواضعة
أتمنى لك أجمل جميل تتمناه في كل لحظة
تحياتي و احترامي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اهداء الى الشعب العراقي جميعآ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة العصماء :: الساحة الادبية :: بغداد لا تتالمي-
انتقل الى: