أبوذيات عراقيه تجنن

لاجل عينك اصير تراب وانذر
ولشوفك اطش جكليت وانذر
واذا فد يوم اصيرن حكم وانذر
اشيل احمر طرد مو بيك بيه

روحي من الهجر ملت وسالت
وعلية احباب لانشدت وسالت
الف دمعة الجرت مني وسالت
ولا دمعة الجرت منهم عليه

شلون تخون وانت حلفت بايات
مزلاكة اطلعت مو درج بايات
تريد تروح مو بس باي بايات
واليرجع الف نعلة اعلة ابيه

منو مثلي بضحى العالي يرا نيوم
عليل ولا جرس منك يرن يوم
حبك خصب بكلبي يورانيوم
ومفاعل صارت عيونك عليه

يالايم لا تلوم النفس خلهه
وعساها تموت عكب فراك خلهه
لزم ايدي الطبيب وكلت خلهه
الالم داخل مهجتي وشلون بيه

بسك لا تظل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هيه

عجب خلخال ساكك ما يرنش!
تبج ودموع عينك مايرنش
جرن منك مصايب مايرنش
كرهتك لو حياة اتصير اليه

بعد ما اصطبيلك وانتبهلك
واحذر حيل مني وانتبه لك
اني باهلي ازامط وانت باهلك
واذا اهلك زلم هدهم عليه

رسالة شوك يالمحبوب ودلي
مثل ماوديت الك باخلاص ودلي
دلو غيري يجي متروس ودلي
من البير ويرد فارغ اليه

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب اليه

خلص يومي بحزن وفراك غادي
وعليك الكلب مثل الجمر غادي
باجر لو يصير حساب غادي
اشتكل لله على السويتة بيه ؟

انا بطبعي على الشينات مالح
ويظل زاد الكليته وياك مالح
اخبرك سهمك المسموم مالح
يخسة الكال سهمك عم عليه

فرغ كلبي بمحبتك ماتملي
ولحظات بعشرتك ماتملي
بجفاك العزة ناصب ماتم لي
اجة حتى النجم يلطم عليه

عمرررر

اسمع هذا

هذا البيت يسمى الزهيري.يتكون من سبعة مقاطع

شجان ذنبي بنار جفاك ......سليتني

وبسر هجرك طحت مهموم ....سليتنى

ماخذت من خاطرى يوما .........وسليتنى

وانى من الزين ناصبلك علوم.... وراي

تضحك بوجهي وتحجي الفاينات ...وراي

ما ضل عندي من افعالك بصيره .....وراي

الله.يجازيك.سل العود ......سليتني

تحياتى

اخي الغالي عمر
يسلمو ع الابوذيات الجميلة
وحبيت اشكرك الادارة على هذه القسم الجميل
تحياتي لك عمر وللجميع بالتوفيق
ارجو ان تقبل هاي الهدية المتواضعه

حبيبي ارجوك حاجيني شمالك
تهت مابين غربك من شمالك
صرت انتة الهوى واشتم شمالك
واذكرك من تهب ريحك علية

احمد العراقي أسير الهم

منورين يا غوالي والف شكر الكم على التعليق المميز

على الموضوع

خالص احترامي لكما

عمر

عاشت الايادي على الابوذيات الرااائعة والجميله

لاعدمنا جديدك

تحياتي

عمر

ابوذيات رائعة وجميلة
دام عطاؤك اخي
الكريم
/
ودمت بخير

العصماء وطائر الفينيق

يا هلا وغلا بيكم

نورتوا الموضوع يالغوالي

الف شكر الكم على الحضور المميز

خالص احترامي لكما

دمتم بود وخير

[/center]

مشكووووور اخي عمر على الابوذيات الروووووعه

يعطيك العافيه

دمت بخير

تحياتي

يا هلا وغلا بنديم

منور يا غالي

الف شكر الك على الحضور المميز

دمت بود وخير