منتديات ,,, اسلامية,,, ثقافية ,,,ادبية,,, تاريخية,,,واجتماعية ,,,عامة
 
الرئيسيةالبوابةمكتبة الصورس .و .جالتسجيلدخول

شاطر | 
 

 ليلى والدئب باللهجه الفلسطينيه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رشيد
عضو فعال
عضو فعال


ذكر عدد الرسائل : 390
العمر : 38
العمل/الترفيه : التجاره
اعلام الدول :
مزاجي :
المهنة :
الهواية :
تاريخ التسجيل : 12/05/2009

مُساهمةموضوع: ليلى والدئب باللهجه الفلسطينيه   الثلاثاء مايو 19, 2009 11:52 am


كانت ليلى ماشية بالغابة بنص الليل ورايحة لعند تيتها مثل في كل الحكايات
! والذئب (المسكين) وقفها ل ليلى وسألها لوين رايحة يا ليلى ؟ !
وردت عليه ليلى : وانت شو دخلك ولك بهيم ... شو بتعمل هون بنصاص الليالي
؟؟؟ وليش بتسألني لوين رايحة ؟؟ ول عليك يا حيوان .... ان شاء الله بتخبطك
سيارة بلا نمرة وبلا شوفير يا **** يا مبهدل يا قليل الحيا كنو ما عندك
خوات ... صحيح قليل حس ووقح ...... تفو عليك ومسكت ليلى الذئب من ادنو
ورمتو شي 7 متار وتابعت المسير لعند تيتها !!!

هون ... الذئب لقاها كبيرة كتير بحقو وقال لحالو: هلق بنت فصعونة ما بتطلع
بطول اجري تشرشحني هيك بوسط الغابة قدام الحيوانات الرايحة والجاية واللي
بيسوى واللي ما بيسوى ... وانا الذئب اضرب واطرح ..طيب يا ليلى.. راح
الذئب اخد ت**ي وطيران على بيت تيتها ل ليلى مشان يصل قبلها ..
دق الجرس .. فقامت سألت العجوز اللي ورا الباب : مين هاد اللي على الباب ؟؟

جاوب الذئب : انا ليلى .. افتحيلي تيتا وأول ما فتحتلو الباب اطلع فيها
بنظرة شريرة من طرف عينو وقلا: العين تطرقك شو هبلة مين ما قلك انا ليلى
بتفتحيلو .... ولك كيف بقولوا عنك ذكية وحربوقة ؟؟ (تسائل الذئب) .
وركد وراها من غرفة لغرفة من غرفة لغرفة وهي بتصيح وتولول .. وكل ما تيجي
بدها تفتح تمها عشان تحكي يلطشها الذئب بهداك الكف على بوزها ... وعمى
قمارها ... وبالاخير حصرها بزاوية الاوضة وقلها : بكفي تنهقي ختيارة الجن
........... وأكلها .
وفي نفس اللحظة انفتح باب المصعد وظهرت ليلى وقد سمعت ولاويل وعياط جاي من
البيت .. وباب نصه مفتوح فنطت نطت لجوا البيت وشافت الذئب بعدما اكل الجدة
المسكينة ... فخاطبها الذئب مستهزئا : اشوف ورجيني شو بدك تعملي يا قرده
هلىء ...هههههههههه وردت عليه ليلى وقد تطاير الشرر من عينيها : طيب انا
اللي بورجيك واطلعت ليلى من تحت البلوزة على خصرها موس كباس ابو 3 نجوم
بطول 20 سم وشرحت الذئب به وقطعت اوصاله حتى خرجت تيتتها من بطن الذئب ..
وهنا كانت المفاجأة حين صرخت ليلى : تيتا ااااااااااااااااااااااا ...
ييييييييييييييييي انتي مش تيتي !!!! مين انتي وشو بتعملي هون ؟؟

واجابت العجوز بدهشة : عرفتك ... موش انتي ليلى بنت بنت جارتي ام عبدو اللي بالطابق الرابع ؟
فأجابت ليلى متسائلة : ليش انا بأي طابق ؟
وردت العجوز : هاد الطابق التالت ... بس الاصنصور في مشكلة وبدل ما يطلع عالطابق الرابع بيوقف بالطابق التالت ...
فأجابت ليلى معتذرة : ييييييييييي عدم االمؤاخذه حجة ... بس ما اكون
ازعجتك ... مزبوط انا ليلى وجاية عند نيتي ... بس معناتو كل الحق
عالاصنصور ... طنيب عليكي لا تواخذيني يا حجة .. وهلىء بنظفلك البيت
وبخليه متل البفتة .
وقامت ليلى بتنظيف البيت من جثة ودماء الذئب ووضعتها في كيس الزبالة وزتتو (رمتو) من البلكون .
وثم اخذت ليلى سلتها ودخلت المصعد متوجهة الى بيت تيتها وتوتة توتة خلصت الحدوتة





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
العصماء
المدير العام
المدير العام


انثى عدد الرسائل : 7463
اعلام الدول :
مزاجي :
الهواية :
تاريخ التسجيل : 10/09/2008

مُساهمةموضوع: رد: ليلى والدئب باللهجه الفلسطينيه   الثلاثاء مايو 19, 2009 12:09 pm


وهايي الســـندريلا بالفلسطيني

لبست الفسطان وراحت جري عالكصر ..


وشافها الأمير وحبها ..


وركصو سوا ..


وفجأة دكت الساعة طنعش ..


وجراي صارت ترمح و ترمح ..


ووكعت ببوجها عالدرج ..


سندريلا راحت عالبيت واتمنت لو انو الساعة ما دكتش على الطنعش ..


بس شو تسوي بحظها المشحر مثل حظ هاظا الشعب..


الأمير حط فردة البابوج على مخدة يمكن لونها زركة أو نهدي ..


المهم صار ينادي بالصوت على كل البنات عشان يكيسن البابوج ..


كل البنات كاسن إلا سندريلا .....


سندريلا نزلت على الساحة ومعها فردة البابوج ..


وحطتها على المخدة الي عليها الفردة الثانية ..


ولما كربت عشان تكيسها ..


ضربها الأمير تشف ..


وحكالها: وين جاي ياما ؟


حكتلو: يقطع وجهك ما أزنخك ..


مش شايفني بدي أكيس البابوج !!


حكالها: وحدة مثلك كيف بدها تكون فلكة الكمر هديك؟؟


حكتلو: هسا بفرجيك وأحط على عينك..


ولما اجت تكيسها ..


ما طلعت كد اجرها ..


لأنها كانت ورمانه من كثر الشغل ..


ويا حرام ما حدا صدكها ..


وانجنت المشحرة ودارت في الشوارع ..


والأمير اتزوج غيرها وحكى: لوينتا بدي أظل ادور عليها


الله لا يردها هي الخسرانة..


وفي قول اخر ان البنت انكتلت يا حرام في غارة اسرائيلية ..


شكرا رشيد

و الله ذكرتني بتيتا لما كانت تحكيلي القصص الحلوة

_________________









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رشيد
عضو فعال
عضو فعال


ذكر عدد الرسائل : 390
العمر : 38
العمل/الترفيه : التجاره
اعلام الدول :
مزاجي :
المهنة :
الهواية :
تاريخ التسجيل : 12/05/2009

مُساهمةموضوع: رد: ليلى والدئب باللهجه الفلسطينيه   الثلاثاء مايو 19, 2009 2:46 pm

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليلى والدئب باللهجه الفلسطينيه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة العصماء :: الساحة الادبية :: القصص والروايات-
انتقل الى: